Saturday 18 June 2016

Macaroni & Kaas met Spek


Een van my gunsteling disse, Macaroni en kaas. Daar is natuurlik baie verskillende variasies van hierdie resep, mens kan bylas en uithaal, maar ek vind hierdie een vinnig en smaaklik!

Bestanddele
3 koppies macaroni

3 eiers
3 koppies melk
2-3 eetlepels botter

3 koppies Cheddarkaas, gerasper

1 teelepel mosterd

1 - 2 tamaties, geskil en fyn gekap
1 pak Spek, in stukkies gekap
sout en peper na smaak

Metode
Braai die spek in ’n pan en laat dan afkoel
Kook macaroni tot gaar in sout water, spoel af met koue water.
 Voeg botter by die macaroni.


Klits eiers, melk en mosterd saam. Jy kan sout en peper (of Aromat) saam met dit meng na smaak.


Smeer 'n vuurvaste glasbak met botter en plaas ’n laag Macaroni daarin.
Plaas ’n lagie bacon en dan kaas bo-op die Macaroni en herhaal die lae totdat al die Macaroni en kaas klaar is (so 3 lae).

Gooi die melk mengsel bo-oor dit alles en bedek met gerasperde kaas.

Pak gekapte tamaties bo-op.
 Bak teen 180 grade vir 30 tot 40 minute of mooi bruin.


Related Posts Plugin for WordPress, Blogger...